Various ‎– Éthiopiques 5: Tigrigna Music 1970-1975

1. ፀሃይቱ በራኺ – አሚነይ
2. ፀሃይቱ በራኺ – መጀመሪያ ፍቅረይ
3. ፀሃይቱ በራኺ – ሃደረይ
4. ፀሃይቱ በራኺ – ባዛይ
5. ተወልደ ረዳ – መሞና
6. ተወልደ ረዳ – ሚለኑ
7. ተበረህ ተስፋ ሁነኝ – አደይ ወላዲተይ
8. ተበረህ ተስፋ ሁነኝ – ወላድካ ሃዚለ
9. ተወልደ ረዳ – አብ ተቃ ቅረቢ
10. ተወልደ ረዳ – ነሃዳር ዘይተውከን
11. ብዙአየነ ዘገየ – ፉሩይቲ አይነ
12. ብዙአየነ ዘገየ – ደቂ አደይ
13. ብዙአየነ ዘገየ – ነፀላ ማይ ማይ
14. በየነ ሃብቴ – እምቢ ላ
15. በየነ ሃብቴ – ተፍቀረኒ ዘነበረት
16. ተክሌ ተስፋ እግዚ -ኣባዲት
17. ተክሌ ተስፋ እግዚ -ኣብ ቀትሪ ብርሃን
18. ተክሌ ተስፋ እግዚ – ሰካም ተመኘዋት

በዚህ አልበም ላይ ከዘፋኞቹ ስም ያለፈ መረጃ ለማግኘት አልተቻለኝም:: Barnes & Noble የተባለው record distributer ድህረ ገፅ ላይ ካገኘሁት ከዚች ትንሽ ማስታወሻ በቀር:: ከሚቀር እንዳለ አምጥቼዋለሁ::

ተክሌ ተስፋ እግዚ – አቀናባሪ, መሳሪያ ተጫዋች, ድምፃዊ
ተበረህ ተስፋ ሁነኝ- መሳሪያ ተጫዋች እና ድምፃዊ
ብዙ አየነ ዘገየ – መሳሪያ ተጫዋች እና ድምፃዊ
በተጨማሪም ፀሃይቱ በራኺም በክራር መሳተፉዋን አውቃለሁ:: ተጨማሪ የምታውቁት ካልችሁ ጨምሩበት:: እንዲሁም ትግርኛ ተናጋሪ ካለ የቃላት ግድፈት ማረም ይቻላል:: ብዙዎቹን በግምት ነው የፃፍኩዋቸው ከእንግሊዝኛው ወደ አማርኛው ፊደላት::

ስለ ፀሃይቱ ካነሳን አይቀር አንድ ክስተት ላጫውታችሁ::

ፀሃይቱ የተወለደችው በ1931 አ.ም በያን ጊዜው የኤርትራ ግዛት (በአሁኑ አርትራ ሃገር 😋) ቋቲት በተባለ ስፍራ ነው:: ሙዚቃ መጫወት የጀመረችው ደግሞ ገና ትንሽ ልጅ እያለች በ8 አመቷ ነበር:: ሙዚቃ ስንል ደግሞ መዝፈን ብቻ አልነበረም:: ክራር ከበሮ እና ቤዝ ክራር በመጫወት ባለብዙ ተሰጥኦ መሆኑዋን ከማስመስከርም አልፋ በየምሽት ቤቶችና እንደ ሰርግ ባሉ ማህበራዊ ክዋኔዎች ላይ በመጫወትም ተወዳጅነትን አትርፋለች:: በ1952 አካባቢ ወደ አዲስ አበባ በመምጣት ከተወልደ ረዳ ጋር ሆና በፊሊፕስ አማካይነት የመጀመሪያ ሙዚቃዋን ለማሳተምም በቅታ ነበር:: ወደ ፀሃይቱ ለኤርትራውያን ትልቅ ትርጉም ያላት ተወዳጅና እውቅ ሙዚቀኛ ነች:: ታድያ እንደምናውቀው ኤርትራ ውስጥ ያለውን አፋኝ የመንግስት ስርአት ሽሽት ወደስደት በማቅናት በሱዳን በኩል አድርጋ ሁዋላ ላይ በ1980 አ.ም ሆላንድ ሃገር ሮተርዳም ገብታለች::

ይህም እንደ መግቢያ አልኩ እንጂ ከላይ ልንገራችሁ ያልኩት ክስተት የተፈጠረው እንግዲህ ሆላንድ ሃገር ነው::
ስለ ኢትዮጲክስ 2 ስናነሳ ጂሚ መሃመድ የተባለው ማየት የተሳነው ድምፃዊ ሆላንድ ሃገር በሚገኘው Terp Records/The Ex Band አማካይነት ሁለት አልበም አሳትሞ ነበር አላልኩዋችሁም ነበር? እናማ በአንድ አጋጣሚ የዚህ ሬከርድ ሌብል ባለቤት የሆነው Terrie Hessels ፀሃይቱን በሆነ አጋጣሚ ያገኛታል እናም ስለሱዋ ያውቃል:: እንዲሁም ሙዚቃ መጫወት እንዳቆመች እና ከተጫወተችም ረጅም አመት እንደሆናት ይጨዋወታሉ:: ከዚያማ በቃ ትውውቃቸው ወዳጅነት ይመሰርትና ክራር ምናምን ሰርቶ ይሰጣትና በአዲስ መልክ ሙዚቃ መጫወት እንድትጀምር ያደርጋታል:: በዚህ ብቻም አላበቃም በተለያዩ ወቅቶች ተጫውታቸው የነበሩ 17 ሙዚቃዎቿን በአዲስ መልክ እንድትጫወታቸው አድርጎ ባለሁለት ሲዲ አልበም ሙሉ የህይወት ታሪኳን ከያዘ ቡክሌት ጋር “ሰላም” በሚል መጠሪያ አሳትሞላታል::

ፀሃይቱ በራኺ ከዛሬ ሁለት አመት በፊት በ2010 አ.ም ነበር በሮተርዳም ኔዘርላንድስ ህይወቷ ያለፈው::